هالليلة مشعشع نورا كل الدنيي مسحورا
مولود جديد زغير بميلادو الكون تغيّر
ضوّت شموع الزوار حتى صار الليل نهار
بلّش عالأرض المشوار بلّش عالأرض المشوار
راح الراعي ونعجاتو بعز البرد وتلجاتو
ردّوا كل بواب الريح تيدفوا الطفل المسيح
القصة ما هديت بالعيد نجما المتجلّي من بعيد
تيبشّر بعهد جديد تيبشّر بعهد جديد.
رح تستقبل هالليلة المغارة أطهر عيلة
إم وبي وطفل زغير خلّوا المجد يصير كبير
وتغير وج الزمان وراح العذاب يلي كان
ينطر عَ باب الإنسان ينطر عَ باب الإنسان
